Plantun de Prouvènço

Pèr coumpara dos planto d'encò nostre

Hyoseris radiata & Campanula rotundifolia subsp. macrorhiza

Hyoseris radiata

Asteraceae Compositae

Noms en français : Hyoséride rayonnante, Chicorée rayonnante.

Descripcioun :
Lou cicòri-rajant trachis pas trop liuen de la mar dins li tepiero, lis ermas e li pendis roucaious riche en azoute. Fai uno rouseto sènso tijo d'ounte parton de long pecou acaba de flour coumpausado. Li fueio soun descoupado d'un biais proun regulié ço qu'ajudo à recounèisse la planto. I'a douas renguièro de bratèio emé uno pichoto deforo. Li fru peréu soun particulié emé de sedo redo. Coumpara emé lou cicòri-escabrous que ié sèmblo mai qu'es uno planto de l'an .

Usanço :
Aquéu cicòri dèu èstre manjadis pamens avèn ges d'entresigne segur.

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hyoseris
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 7 à 12 mm
Flourido : Printèms Ivèr

Sòu : Ca
Autour basso e auto : 0 à 800 m
Aparado : Noun
Febrié à jun

Liò : Tepiero seco - Pendis roucaious - Ermas
Estànci : Termoumediterran à Mesoumediterran
Couroulougi : Estenoumediterrano
Ref. sc. : Hyoseris radiata L., 1753

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.